Ordizia

Ekitaldiz beteriko hilabetea ospatuko du liburutegiak

Abendurako hainbat ekitaldi antolatu ditu udal liburutegiak haurrentzako zein helduentzako. Datorren asteazkenean, Nerea Ariznabarretak eta Mariano Hurtadok ipuin kontaketa musikatua eskainiko dute, 'Ezberdin bezain eder' izenburupean, 17:30ean. Biharamunean, Liburu Baby Kluba egingo da hiru urtera arteko haurren-tzat, 17:00etatik aurrera.

Hilaren 16an, berriz, Mertxe Aizpuruak ipuin kontaketa saioa eskainiko du hiru eta zazpi urte bitarteko haurrentzat, 17:15etan. Gainera, hilaren 19an, Irati Goikoetxeak dinamizatzen duen euskarazko irakurle taldearen saio berri bat egongo da. Iosune Goñiren 'Ahizpa beltza' liburuari buruz hitz egingo dute.