Legorreta

Azintzio jaiak gaur arratsaldean hasiko dira txupinazoarekin

Herritarrak prest daude jada gaur arratsaldean Azintzio jaiei hasiera emateko. Betiko moduan, txupinazoak emango dio hasiera festari, 18:30ean. Aimar Alustiza izango da pregoilaria. Gero, erraldoi eta buruhandiek gaztetxoak alaituko dituzte plaza inguruan, arratsaldeko 19:30ean bertso erronkaren aurretik. June Aiestaran-Iker Zubedia eta Maddi Aiestaran-Eneko Araiztegi 'Korta' izango dira bertsolariak.

Ondoren, lagunarteko afaria izango da, eta DJ LYMA-k herritarren lehen gaua girotuko du afalostean.