Idiazabaldarrak bikain asteburuan jokatutako mendi lasterketetan
IKER AIZPURUA
IDIAZABAL.
Asteartea, 12 uztaila 2022, 00:03
Asteburu honetan, Goierriko Bi Haundiak, Ehunmilak eta Mari Murumendi mendi lasterketak jokatu dira. Gizonezkoen kategorian Idiazabalgo partaidetza zabala izan da.
Goierriko Bi Haundiak trailean, 88 kilometro zituzten egiteko lasterkariek. Argoitz Urrestarazu, Ion Ander Cuadrado, Xabier Iparragirre, Jon Urteaga eta Joseba Eskudero herritarrek parte hartu zuten. Eskuderok, podiumean sartzea lortu zuen. Hirugarren postuan geratu zen 10:16:28ko denbora eginda.
Ehunmilak ultratrailean, berriz, 168 kilometroko ibilbidea osatu behar izan zuten korrikalariek. Hemen, Aritz Ugarte izan zen lehenbiziko goierritarra helmugako marra zeharkatzen, 26:55:48ko denborarekin, eta sailkapen orokorrean 8. postua lortu zuen. Ultratrailean parte hartu zuen beste idiazabaldarra, Mikel Lasa izan zen.
