Oiartzun

Oiartzungo turismo bulegoak udako ordutegia estreinatuko du astearte honetan

Uztailaren 1etik abuztuaren 31ra bitartean, Oiartzungo turismo bulegoa zabalik egongo da. Arizmendi Enea Etxe-Museoko beheko solairuan kokatuta, egunero eskainiko du arreta 09:30etik 14:30era eta 15:30etik 18:30era. Horrez gain, XVII. mendeko eraikinaren historia ezagutzeko bisita gidatuak doan eskainiko dira: ostiraletan 11:00etan (euskaraz, gaztelaniaz eta frantsesez), eta larunbatetan eta igandeetan 10:00etan eta 12:00etan (euskaraz), eta 11:00etan eta 13:00etan (gaztelaniaz). Aurrez erreserba egitea beharrezkoa izango da 943 50 89 13 telefonora deituta edo turismoaoiartzun@ oarsoaldea.eus helbidera idatzita.

Informazio-puntu guztietan, bertakoek zein bisitariek inguruan egiteko plan, proposamen eta ideia askoren berri edo informazio pertsonalizatua jasotzeko aukera izango dute, baita eskualdeko bisita gidatu eta turismo-baliabide gehienetarako erreserbak egiteko aukera izango da ere.