Kontseiluarentzat ez da «euskararen normalizazioak» behar duen dekretua

Eusko Jaurlaritzak datorren astean onartzea espero duen Euskal Sektore Publikoan Euskararen Erabilera Normalizatzeko Dekretuaren oso kritiko azaldu da Euskalgintzaren Kontseilua «normalizazioak behar» duen araua ez dela iritzita. Testu berriak «aurrerapauso batzuk» dakartzala onartzen badio ere, funtsean «euskararen normalizazioak sektore publikoan dituen erronkei eta egiazko posibilitateei» ez diela erantzuten leporatu dio.

Dekretu berriak 1997an onartutako eta 30 urteko ibilbidea egin duen araudia ordezkatuko du. Bide honetan Euskal Herriko egoera soziolinguistikoa eta gizarteko aniztasunak izandako bilakaera ikusirik, «abagunea» ez baliatu izana eta «jausi sendoagoa» emateko aukerari «uko egin» zaiola dio Kontseiluaren oharrak. «Finean, dekretu berriari jauzirako bokazioa falta zaio eta, hainbat kasutan, agerikoa da oldarraldi judizialak dekretu honen garapena modu nabarmenean baldintzatu duela. Alabaina, anbizioz jokatu eta oldarraldi judizialak ezarritako mugak gainditu beharrean, epaitegiek ezarritako murrizketak islatu dira dekretuaren azken bertsio honetan», azpimarratzen dute ondorioek.

Temas

• Kontseilua