Festak jarraitzen du Zestoan

Amabirjina eguna ospatu zuten atzo Zestoan, egun garrantzitsua. Eguraldia lagun, giro aparta sortu zen herriko kaleetan egun osoan zehar.

Gaur festak jarraituko du, hainbat ekitaldirekin. 9:00etan Zestoako dultzaineroek diana eskainiko dute eta 10:00etan Idiakaitz Txistulari taldeak. 11.00etan Laranjadi plazan 'Amaiur 500garren urteurrena. Gorazarrea' dantza eta musikaz alaiturik. Ondoren, Andoni Egaña eta Amaia Agirre bertsolariak arituko dira. 12:00etan hasita umeek jolas parkea izango dute frontoi inguruan eta 13:00etan txakolina dastatzea bertsolariekin.

Arratsaldean, 17:30ean 'Gurea kultura' estazio aldean, Odei Alkimia eta Bassagain. Ordu berean, herriko bandaren, dultzaineroen eta txistularien kalejira bigarren zekorketa iragarriz. 20:00 ibili munduan emanaldia Laranjadin ondorengo musikariekin: Aitor Furundarena, Angel Unzu, Iñaki Telleria eta Garikoitz Mendizabal. Gaueko 22:00etan Master Caixa Bank Txapelketaren barnean pilota partida profesionala eta 23:00etan Laket taldearen kontzertua Laranjadin.

Bihar larunbatean kuadrilen eguna izango da. 10:00etan Idiakaitz Txistulari taldeak diana eskainiko du eta 11:00etan Zirku-tailerra izango da umeentzat frontoi zaharrean 13:00ak arte. 12:30ean Paella lehiaketarako prestaketak hasiko dira eta 14:30ean epaimahaia pasako da. Ondoren, herri bazkaria plazan. Ustekabe txarangak alaituko du giroa egunean zehar.

Arratsaldeko 17:00etan kuadrilen arteko jolasak plazan. 19:00etan Dj Dávila kalez kale eta 23:00etan plazan.

Igandean haurren eguna izango da eta txuri gorriz janzteko gonbita luzatzen zaie.

Festak direla eta aldaketak izango dira zabor bilketan. Honela, gaur, ostirala, goizez bilduko dira hondakinak 9:00-11:00 bitartean.

Bestalde, alde zaharrean, biltzeko poteak kanpoan jarriko dira, festetan jarri ohi diren moduan.

Temas

• Zestoa