Giro bikaina Amabirjinei hasiera emateko

Eguraldiak tarteka mehatxu egin bazuen ere atzoko egunean zehar, festa giroa nagusitu zen herrian goizean goizetik. Jende andana bildu zen gazteen pilota partiden, herri bazkariaren eta Zestoako txarangaren doinuen inguruan. XII.Gazteen Pilota Txapelketan Eñaut Alberdi, Xiker Eizagirre eta Mikel Zabala izan ziren irabazleak.

Ondarbasora XXXV. igoeran, ikusleek ez zuten hutsik egin eta asko izan ziren hiru kilometroko ibilbidean zehar txirrindulariak animatzera hurbildu zirenak. Guztira 19 izan ziren froga gauzatu zuten txirrindulariak, gizonezkoetan helmugara iristen bizkorrena Jon Mendia izan zelarik 11:14 denborarekin. Ondoren Julen Uranga eta Iraitz Pou sartu ziren. Emakumeei dagokienez, hiru izan ziren izena eman zuten emakumeak eta ondorengo denbora behar izan zuten Ondarbasora iristeko: 18:53 Leire Urangak, 19:03 Leire Lopetegik 20:35 Maddi Alberdik.

Gaurko ekitaldi nagusien artean; herriko zaharrenei eta 85-88 urte bitartekoei oroigarriak eskaintzea, meza nagusia, jubilatuen bazkaria eta Txistularien Alardea.

Temas

• Zestoa