Getaria
'San Anton, BIO monton' mintzagai, gaur

Joxepo Teresen eskutik bertako biodibertsitatea aztertuko da Zarautzeko Modelo Aretoan

Juan Mari Zubiaurre

GETARIA.

Miércoles, 4 de junio 2025, 20:28

San Anton mendiko biodibertsitatea aztergai izango du gaur arratsaldean Joxepo Teres adituak Zarautzeko Modelo Aretoan egingo den hitzaldi-solasaldian arratsaldeko 19:00etatik aurrera.

Joxepo Arkamurka Natura Elkartea eta Aranzadi Zientzia Elkarteko kidea da eta honela iragarri du gaurko saioa: «Bizkaiko golkoan toki gutxik gordetzen dute San Anton mendiak adina magia. Paisaia idiliko batean kokaturik, espezie mota ezberdin anitz bizi dira. Bertan, aldaketa ugari izan diren arren, biodibertsitatea trinko mantentzea lortu da. Baina, noiz arte? Bizidunen aniztasuna kaltetu eta mehatxatzen duten faktore eragileak ere badira». Saioaren izenburuak dena esaten du, 'San Anton, BIO monton'.