Getaria
47 getariarrek amaitu zuten Getaria-Zarautz itsas zeharkaldiaGetariako portuak itxura ikusgarria izan zuen goizean ehunka igerilarirekin irteeran
Getaria eta Zarautz arteko itsas zeharkaldiak bere 53, edizioa betetzen zuen igande honetan eta noski, herritar ugarik hartu zuten parte igeriketa proba ezagun honetan.
Kezka izan zen astean zehar itsaso handia egongo ote zen baina eguraldi ederra eta itsasoa lagun, igerilariak denbora bikainak egin zituzten orokorrean.
Irteera beti bezala herriko portuan, altxerritik jaitsi eta igerian portu zaharreko irteerara joan eta bertan taldetan banatuta egin zioten lanari.
47 izan ziren Zarauzko hondartzara heldu ziren getariarrak, talde bikaina zalantzarik gabe. Hauen artean bizkorrenak gizonezkoetan Asier Medina (0:38:32), Manuel Aranguren (0:40:01) eta Iosu Iribar (0:40:29) izan ziren.
Emakumezkoetan berriz, bizkorrena Julene Basurto izan zen (0:43:27) eta jarraian Intza Esteban (0:45:27) eta Maddalen Iraola (0.49:57).
Bezperako Zarautz-Mollarri-Zaraitz proban 5 izan ziren helmugaratu zirenak; Ekaitz Esteban (1:31:58), Jon Arakistain, Iban Aranguren, Mikel Iribar eta emakume bakarra, Kontxi Monasterio (2:02:21).
