Getaria

Getariako Ereserkian aldaketak egitea erabaki du udal plenoak

Herritar batek egindako ekarpen bat dela medio, Getariako Ereserkiaren zati bat aldatzea erabaki da aho betez martxoak 26ko osoko bilkuran. Egileen oniritzia jaso da osoko bilkuran botatu aurretik. Aldaketa honekin, ereserkia inklusiboagoa egin nahi izan da berdintasunaren ikuspegitik.

Aldaketa ondorengoa da, 'arrantzale, itsasgizon' izatetik 'saregile, arrantzale' izatera pasa da. Egilea, Txomin Mujika da eta letra, Aitzol Arriolak egina. Honela geratu da orain Getariako Ereserkia;

San Antonen magalean,

Malkorberen babesean,

Gipuzkoako itsas kaia,

Kantauriko harribitxia (bis):

mahasti ta txakolin

saregile, arrantzale...

Ez dago besterik:

bihotzeko Getari!

Oi, Getari

zahar ta berri,

mende luzetan zehar

gure etxe ta herri.

Lehengo ta oraingo

getariarrok

pozez ta ozen diogu:

gora Getaia! Getaia! Oi, Getaia!