Azpeitia

Inoiz ez dago txakolin trago eder bat egiteko giro eskasik

Txakolina izan zen protagonista atzo Azpeitian, bertan ospatu baitzen VIII. Getariako Txakolin Eguna. Dozenaka herritar gerturatu zen Perez Arregi plazara eguerdi partean eta zortzi upategi desberdineko zukuez gainera, bertako gazta eta Eusko Labeldun oilasko pintxoez gozatzeko aukera izan zuten.

Eguraldi goibelak ez zuen giroa zapuztu eta argi laga zuten gerturatutakoek Aitaren, Ameztoi, Arregi, Blai, Erlete Goikoa, Flysch, Mokoroa edo Ulazia trago bat egiteko ez dagoela giro txarrik.

Jan-edanaz, eta lagunarteaz gozatzeko, Bankako Menditarrak taldearen doinuek alaitu zuten eguerdia eta tragotik tragora dantzarako gonbitea ere egin zuten.