Mutriku

Olaia Inziartek kontzertua eskainiko du bihar gauean Goiko plazan

Udako kultur egitarauaren barruan, larunbat honetan, 23:00etan, Olaia Inziartek koknierto bat eskainiko du Goiko plazan. Hau artista nafarra da, 1999an jaioa. Musikarekin oso lotuta egon da beti eragin zaharrak eta berriak xurgatuz, eta, ezeri aterik itxi gabe, uste du honetan garrantzitsuena entzule ona izaten jakitea dela. Sortzea funtsezkoa da, eta dantza arriskutsu horretan beharraz eta menpekotasunaz abesten du, bide osasuntsuenen bila.

2022an, Olaia Inziartek «Lehengo Lepotikan Burua» lehen diskoa estreinatu zuen, sonoritate tradizionalena abangoardistenarekin lotuz. Gero eta indar handiagoa hartzen ari den energiaz eta kezkaz betetako artista nafarren belaunaldi berriaren parte da.

Nafarroako kantautore gaztea, ahots goxo eta estilo intimoarekin. Bere proposamena pop-folk doinuetatik hurbil dago, euskarazko lirikaz jantzia.

Bestalde, udako zine programazioaren barruan, abuztuaren 6tik aurrera haurrei zuzendutako hiru filmez gozatu ahal izango da Zabiel plazan 22:00etatik aurrera. Hilaren 6an, 'Robotika' filma proiektatuko da. Hilaren 13an, 'Dragoi jagolea' iragarri da, eta 20an, 'Wonka'.