Mendaro

Frontoiaren eta padel pistaren erreserba internet bidez egin ahalko da bihartik

Frontoiaren eta padel pistaren erabilera erreserbatu, ordainketa egin eta sarrerako giltzen kudeaketa jubilatuen tabernaren bitartez egin izan da azken urteetan Mendaron. Bihartik aurrera, ordea, internetez egin beharko dira bai erreserbak, bai ordainketak, horretarako sortutako mendarobirtuala.eus webgunearen bitartez.

Ez hori bakarrik, instalazioetako sarrera kontrolerako zarraila bereziak ere instalatu dira, eta ohiko giltzak erabili beharrean, web bidez erretserba egiten denean erabiltzaileari telefono mugikorrera iritsiko zaion kode bat erabili beharko da. Kode horrekin atea zabaltzeko, lehenbizi, JustIn Mobile aplikazioa instalatu beharko da norbere mugikorrean. Telefonoarekin atea zabaltzeko Bluetooth-a aktibatuta izan beharko da. Telefono mugikorra erabiltzeko aukerarik ez dutenek udaletxean eskatu beharko duten txartel digitalen bidez sartu ahal izango dira instalazioetara.