Ezkio

Madalena festak ospatuko dituzte ostiraletik aurrera Alegi auzoan

Alegi auzoko Madalena jaiak ostiral honetan hasiko dira. Hiru egunez, musika, dantza, jana eta jolasak izango dira festen protagonistak.

Sagardo dastaketarekin hasiko dituzte ospakizunak bihar, 19:30ean. Ondoren herri-afaria egongo da (parte-hartzeko tiketak aldez aurretik egon dira eskuragarri). Iluntzean Joselu Anaiak taldearekin dantzaldia izango da.

Larunbatean hiru hitzordu izango dira Alegi auzoan. 16:00etan mus txapelketa jokatuko da, 20:30ean parrillada egingo dute eta ondoren, Joxe Mendizabalekin dantzaldiaz gozatzeko aukera egongo da berandu arte.

Asteartean, uztailak 22, agurtuko dituzte festak. Madalena egun betea prestatu dute. 12:00etan meza ospatuko da Izazpe abesbatzaren parte-hartze bereziarekin. 13:00etan hamaiketako herrikoia egongo da hurbiltzen diren guztien gozamenerako.

17:00etan haurrentzako parkea egongo da eta 20:30ean ardo dastaketa burutuko da. Ondoren, jaiei amaiera emango diete Modestoren dantzaldiarekin.