Ezkio

Gabon eskeko entsegua igandean eta gutunen jasotzea larunbatean Ezkion

Datorren igandean, abenduak 17, gabon eskeko entsegua egingo da Ezkion, arratsaldeko 18:00etan udaletxeko ganbaran. «Animatu eta parte hartu igandeko entseguan eta 24an!», diote Udaletik.

Bestalde, Udalak eta Ganbara guraso elkarteak antolatuta, Olentzero eta Mari Domingiri bidaltzeko gutunak jasoko dira larunbat arrastaldean Ezkioko eliza atarian. arratsaldeko 18:00etan egongo dira bertan, eta txokolate beroa eta bizkotxoak ere banatuko dira.