Kutxa Fundazioa Donostia Literatura Sarietarako lehiaketara lanak aurkezteko epea zabalik da

Kutxa Fundazioak antolatzen eta ematen dituen Kutxa Fundazioa Donostia Literatura Sarien 58. ediziorako lanak aurkezteko epea zabalik da. Literaturaren sorkuntza eta hedapena sustatzeko xedez antolatzen den lehiaketak antzerkia eta kontakizun-liburua modalitateak izango ditu, eta datorren irailaren 23ko 23:59ak baino lehen bidali beharko dira proposamenak.

Lehiaketa zabalik dago euskarazko nahiz gaztelaniazko idazleentzat, adin nagusiak, edozein dela ere horien nazionalitatea. Erresidentzia Espainian izatea derrigorrezkoa da gaztelaniazko modalitateetan parte hartu ahal izateko; ostera, euskarazko modalitateetan berariazko parte hartzea irekia dago edozein herrialdeetan erresidentzia duten pertsonei.

Aurkeztutako lan guztiek jatorrizkoak eta argitaratu gabeak izan behar dute, edozein formatu fisiko edo digitalean, osorik edo partzialki. Egile bakoitzak lan bakarra aurkeztu ahal izango du lehiaketaren kategoria bakoitzeko.

Kontakizun-liburuaren modalitatean, bai euskarazkoan edo erdarazkoan, edozein gai eta eratako narrazioak aurkeztu daitezke, betiere gutxienez 100 orrialde baldin badute (DIN-A4 orrietan) eta lau kontakizun gutxienez.

Bestalde, antzerki lanentzat, edozein gai eta aldaera dramatikotako proposamenak onatuko dira, ohiko antzokietan edo antzoki alternatiboetan antzeztuak izateko modukoak direnak eta gutxienez 60 eta gehienez 120 minutuko iraupenekoak.

Lan irabazleak eta pertsona saridunak Donostian jakinaraziko dira 2026ko martxoaren 21ean, 13:00etan. Modalitate bakoitzeko irabazleak garaikurra eta 15.000 euro jasoko ditu.

Temas

• Kutxa Fundazioa