Afrikako emakume zientzialarien ikerketak bultzatzeko dirulaguntza

Mujeres por África fundazioak sustatzen duen 'Ellas Investigan' proiektuak Afrikako emakumeek ikerketa zientifikoan eta transferentzia teknologikoan duten lidergoa sustatzea du helburu. Horretarako, 29 ikerketa-zentrok osatzen duten sarearen laguntza du, eta horien artean dago MPC-Material Physics Center ikerketako elkartea. Lankidetza honi esker, ikerlariei erraztuko zaie Afrikako erronka handiei aurre egin ahal izatea hainbat arlotan, hala nola osasuna, nekazaritza eta elikagaien segurtasuna, ekonomia, ura, energia edo klima aldaketan.

Besteak beste, proiektu honek aurreikusten du MPCn 6 hilabete arteko ikerketa-egonaldia egitea bikaintasuneko ikertzaile afrikar batek, batzorde zientifiko batek aukeratuta hautagaitza aurkezten duten hautagaien artean. Hain zuzen, materialen fisikaren arloko graduondoko ikerketa eta irakaskuntza jarduerak sustatzea, gauzatzea, laguntzea eta finantzatzea izango ditu helburu ekimenak.

Gipuzkoako Foru Aldundiak, Kultura eta Nazioarteko Lankidetza Departamentuaren bidez, 20.000 euroko dirulaguntza eman dio ekimen honi bideragarri izaten jarrai dezan, Goizane Álvarez Kultura eta Nazioarteko Lankidetzako diputatuak gogoratu duenez, Mujeres por África fundazioa irabazi-asmorik gabeko erakundea da, eta garapen ekonomiko eta sozial jasangarriarekin, giza eskubideekin, bakearekin, justiziarekin eta pertsonen duintasunarekin konprometituta dago, batez ere Afrikako emakumeen eta neskatoen duintasunarekin. «Bere eginkizuna da pertsonak garatzen laguntzea, eta bereziki, afrikar emakumeak eta haiek bizi diren gizarteak, programa propioak, aliantza estrategikoak edo hirugarrenekin lankidetzak sustatuz».

Temas

• ciencia