Villabona

San Isidro Eguna ospatuko da bihar Amasan meza eta bazkariarekin

Nekazarien zaindariaren eguna da bihar, San Isidro, maiatzaren 15a, eta hori ospatzeko, egitarau berezia antolatu du Uxo Toki elkarteak. Goizeko 10:00etan meza eskainiko da Amasako San Martin elizan eta eguerditik aurrera bertso-saioa eta trikitilariek alaituko dute bazkalordura arteko tartea. Jarraian, nekazarien bazkaria izango da Uxo Toki elkartean.