Giro ederra Irurako Artisautza eta Elikadura Azokan

Irurako San Miel plazan Artisautza eta Elikadura X. Azoka egin zen. Eguraldia lagun, jende ugari gerturatu zen goiz guztian artisau eta ekoizleen produktuak ezagutu eta erostera. Eguerdi aldera izan zen bisitari gehien eta postu guztietan izan zuten zer ikusi eta erosi.

Aurten hogei postutik gora izan ziren, plazaren bueltan. Herriko eta Tolosaldeko ekoizleekin batera, beste eskualdetakoak ere izan ziren. Etxerako keramika, osagarri, arropa, egur-tailak, jostailuak, beirazko produktuak, eta abar izan ziren nagusi, baina elikadura postuak ere bazeuden, eztia, gozogintza, babarrunak, kontserbak, ogia eta infusioentzako belar lehorrekin. Kirolariek xareak eta pilotak ere aurkitu zituzten.

Jatorri ezberdinetako herritarrek ere jarri zuten postua beraien herritaldetako produktuekin, besteak beste, cuscus-a eskaini zuten dastatzeko.

Temas

• Tolosa
• Zabalik