Jubilatuen egunarekin hasi ziren sanpedroak

Leaburuko jaiak datorren asteburuan izango diren arren, festa giroa izan zen igandean Jubilatuen egunarekin. Meza nagusiaren ondoren, herriko dantzariek emanaldia eskaini zuten plazan. Segidan, bazkaria izan zuten guztiek Zazpi-Bide elkartean.

Jai egitarauak bihar ostirala izango du jarraipena, igandera bitartean. San Pedro, herriko zaindariaren eguna izango da. Goizean jaiari hasiera emateko suziriak botako dira eta 11:00etan meza nagusia izango da elizan.

Jarraian, hamaiketakoa eskainiko da Ostatuan herritarrentzat. Arratsaldean, haurrentzako jolasak antolatuko dira 16:00etatik aurrera, txokolatadarekin amaituko dena. 21.00etan barrikotea egingo da. Udalak jarriko du sagardoa eta norberak eraman beharko du jatekoa. Gauean, Oinargi dantza taldeak emanaldia eskainiko du 23:00etatik aurrera.