Idiazabal

Legorburu Florentino Goiburu Bertso lehiaketako irabazlea

Udaletxeko areto nagusia bertsoz bete zen, Florentino Goiburu zenaren omenez antolatutako 2. bertso paper lehiaketako sari banaketan. Ekitaldiak 50 ikusle inguru bildu zituen. Lehen saria Iñigo Legorbururentzat izan zen, 'Bizitzaren golak' izeneko bertso sortari esker. Lehiaketako bigarren saria ere Legorbururentzat izan zen, 'Epail(h)ertzak' lanarekin, eta hirugarrena, berriz, Goierrin geratu zen; Iraitz Sarasola ordiziarrak jaso du 'Izarapeko gogoetak' bertso bildumari esker. Aita Iparragirre herri eskolako 5. eta 6. mailako ikasleek eta Goierriko bertso eskolako Uhaitz Oiartzabal eta Amets Zubizarretak ere haien bertsoak eskaini zituzten.