Giro onean ospatu zuten koadrillen bazkaria Berrobin

Atzo Besamotza erraldoi eta buruhandien konpartsaren eskutik hasi zuten eguna Berrobiko jaiek. Villabonako taldeak herrian zehar kalejira egin zuen eta gaztetxoek ederki pasa zuten buruhandiekin jolasean. Jarraian, bertso-cocktaila egin zen, eta bazkalordura bitartean paella-lehiaketa antolatu zen. Talde ugari animatu ziren eskolako aterpean paellak prestatzera. Tamaina eta osagai ezberdinekin eginak, Felix Belauntzaran sukaldariak dastatu zituen banan-banan. Lehenengo saria Mirian Saldiasentzat izan zen, bigarrena Juanjo Odriozolarentzat. Ondoren, familia eta lagun-talde bakoitzak prestatutako paella bazkaldu zuen.

Gaur goizeko 9:00etan diana joko da eta 11:00etan meza egongo da. Bukaeran, herriko dantzariek dantzatuko dute. Eguerdian, pentatloi erakustaldia egingo da. Arratsaldean, 18:00etan Los Tenampas mariatxi taldeak emanaldia eskainiko du. Iluntzean, zahagi-ardoa egingo da La Otra Calle taldeak girotua.

Temas

• Berrobi