Giro onean ospatu zuten irurarrek San Migel jaien lehen asteburua

Irurako jaiak giro onean hasi dira eta herritarren parte hartze handiarekin. Igandean bukatu ziren lehen asteburuko sanmigeletako ekitaldiak, egitarau betearekin. Goizean patata-tortilla lehiaketa eta Txan magoaren emanaldia egon ziren udal-pilotalekuan. Arratsaldean, berriz, pilotalekua ikuslez bete zen Irene Caminosek eta Javi Alonsok eskaini zuten trial-erakustaldian.

Lehenengo, haurrentzako zein gaztetxoentzako trial-zirkuitua jarri zuten, nahi zutenek trialean saiatzeko. Ondoren, bertan jarritako tramankulu handiagoekin erakustaldia eskaini zuten, oztopoak gaindituz eta altuera ezberdinetatik saltoak eginez.

Egunari amaiera emateko, ohitura den bezala sagardo-dastaketa egon zen plazan. Plaza herritarrez zein bisitariz bete zen inguru guztian jarritako mahaietan eskaintzen zen sagardoadastatzeko, pintxoez lagunduta.

• Temas
• Irura