Euskararen egunean, plaza azpian ohiko mintzodromoa, eta dokumentala

Nazioarteko Euskararen Eguna ospatuko da gaur Beasainen ere. Ikastetxeetan burutuko dituztenez gain, bi ekitaldi azpimarratu daitezke. Batetik, Euskal Memoriak eta Gipuzkoako Foru Aldundiak ekoiztutako 'Euskara, ospela eta egutera' dokumentala eskainiko da Loinazko San Martin plaza azpian 18:30ean. Bestetik, euskara ikasten ari direnak edo euskara hobetu nahi dutenak euskara dakitenekin elkartuko dira toki berean 19:00etan tertulia giroan, mintzodromoan.