Gaur, uztaileko ohiko udaltzabarra
16 puntuko gai-zerrenda landuko da
EGIAR
Osteguna, 28 uztaila 2022, 00:05
Gaur, hilak 28, egingo da uztaileko ohiko udalbatzarra. Arratsaldeko 18:00etan hasiko da, pleno aretoan eta 16 puntuko gai zerrenda landuko da. Honako hauek dira eztabaidatuko diren gaiak: Aurreko batzarrari dagokion aktaren onarpena; GI-3632 errepidearen oin-horma konpontzeko Gipuzkoako Foru Aldundia, Oiartzungo Udala eta Lanbarren Parke Logistikoa S.A. sozietatearen artean, onartutako 2022 urteko hitzarmena aldatzea; eremu industrialen modernizaziorako 2022 urteko Planak emandako dirulaguntza kudeatzeko helburu duen Spri, Oarsoaldea eta Lezo eta Oiartzungo udalen arteko lankidetza hitzarmena onartzea; Oiartzungo Udala eta Ugaldetxo Kultur Taldearen arteko hitzarmena onartzea, auzo lokalaren erabilpena eta auzoko jaiak antolatzeko xedapenak ezartzekoa; Bertan mugikorrentzako antena edukitzeko udalarena den Lanbarren poligonoko 9328 finka alokatzeko Vandage Towers, S.L.U.rekin kontratua.
Gainera, Oarsoaldea S.A.ren gestio plana gauzatu ahal izateko Udala eta elkartearen arteko lankidetza hitzarmenaren baitan 2. hiruhilekoaren ordainketa onartzea; Oiartzungo udala eta Ttur-Ttur Euskaltzaleon Bilgune Keren arteko lankidetza hitzarmenaren baitan, 2022 urterako onartutako aurrekontuaren diru-atala aldatzea eta horren araberako gastua onartu eta ordaintzea; Oiartzungo Udala eta Ibargain Musika Eskolaren artean indarrean dagoen hitzarmenaren baitan, 21-22 ikasturteko gastuen zuriketa ontzat ematea eta azken ordainketa egitea eta aurreikuspenen arabera 22-23 ikasturteko lehen ordainketa egitea; 2022ko Xanistebanetako jai egitaraua onartzea; Ozentzio 31an (Iriartene etxea) igogailua jartzeko egindako obran egindako zoru publikoaren okupazioaren onarpena; Udal diru-bilketan kobraezinak eta preskribatuak diren eskubideen espedienteei baja ematea; udaltzaingoak jarritako hainbat salaketetatik sortutako ordainagiriak baliogabetzea iraungitzeagatik; beste ekitaldietako ordainagiriak baliogabetzea.
Azkenik, 2022ko bigarren hiruhilekoari dagokion aurrekontuaren exekuzioaren aurrekontuz kanpoko mugimenduen eta diruzaintzaren egoeraren berri emango da; beste organoen jardueraren jarraipena; eta eskari-galderak erantzungo dira
