Bihar abiatuko da 59. Enrique Abril Errebote txapelketa

Bihar abiatuko dute 59. Enrique Abril Errebote Txapelketa, Oiartzungo Errebote Plazan. Guztira Euskal Herriko bederatzi talde lehiatuko dira, horitako bat Oiartzun izango delarik. Taldeak hiru multzotan banatuko dira: A multzoan lehiatuko dira Luzean (Donibane Lohizune), Senpere eta Zaharrer Segi (Baigorri); B multzoan, berriz, Endaiarrak, Kapito Harri (Ustaritze) eta Zubieta; azkenik, C multzoko taldeak Noizbait (Hazparne), Txost (Oiartzun) eta Kanboarrak dira.

Partida guztiak Oiartzungo, Villabonako eta Zubietako plazetan izango dira. Oiartzungo Errebote Plazan jokatuko diren partidak hauek izango dira: bihar, hilak 4, arratsaldeko 15:30ean hasita, Noizbait-Kanboarrak; hilaren 18an bi partida jokatuko dira: goizeko 9:00etan Txost-Kanboarrak eta 11:00etan, Luzean-Zaharrer Segi; azkenik, irailaren 25ean, 10:30ean hasita, Txost-Noizbait.

Multzo bakoitzean lehen postuan sailkatutako taldeek eta bigarren sailkaturik onenak jokatuko dituzte finalerdiak urriaren 2ko asteburuan. Irabazleek, urriaren 9ko jardunaldian jokatuko lukete finala, Zubietako plazan.

• Temas
• Oiartzun