Lezo

Gurutze auzoko Maldaburu bidea berritu du Udalak

Andrearriaga bidetik Usategietara doan Maldaburu herri bidea konpontzeko lanak amaitu berri ditu Oiartzungo Udalak. 120.000 euroko inbertsioa egin du egoera kaskarrean zegoen Gurutze auzoko errepidea konpontzeko. Hala jakinarazi dute udal-agintariek prentsa-ohar baten bidez.

Esku-hartze garrantzitsua egin behar izan du zenbait gunetan pitzadurak eta asentamenduak konpontzeko, bereziki A-8 autopistaren gainetik doan zubiaren inguruan.

Zubiko asfaltozko zoladura berritu du, eta zubiaren eta bidearen arteko elkarguneetan dilatazio juntak jarri ditu, egituraren mugimenduek bidean kalterik eragin ez dezaten. Bideko hainbat zatitan zehar hormigoizko zoladura berria ere bota du, hondatutakoa kenduta.