«Donostian erostea zoragarria da»

Donostiako tokiko merkataritzari balioa ematea da San Sebastian Shops-ek abian jarri duen kanpainaren helburua. Donostia lehentasunezko merkataritza-helmuga gisa kokatu nahi da, herritarrei eta bisitariei tokiko merkataritzaz gozatzeaz dakarren esperientzia bakarra eta desberdina helaraziz. Horretarako, komunikazio-kanpaina bat egin da bideoak eta promozio-mezuak igorriz.

Promozio-bideoa egiteko, hiriko hainbat establezimenduren laguntza izan du San Sebastián Shops elkarteak; besteak beste, Arbaso Hotela, Otaegui gozotegia, San Martin Merkatua, Manila Shop Donostia, Inma_lo, REALAren denda, Elkano Gaztagunea, Tamayo Paperdenda, Oiartzun gozotegia, Pukas Surf, Villaflores Loradenda, Casa Ponsol, Choc Arte, Optica Zurriola, Kberbi New, Cortazar Donostia, Soul eta Bataplan diskoteka.

Bideoa Donostia-Biarritz autobus turistiko berrian ikus daiteke, hirira hurbiltzen direnentzat erakargarri izan daitekeela ulertuta. Etorkizunari begira, gida eta webgune propio bat lantzen hasi dira, tokiko merkataritza aparta deskubritzen lagunduko duten ibilbide tematikoak sustatuz.

Ikus dezagun beraz, hilabete honetan jorratu den kanpaina berriaren emaitza.

Temas

• Moda
• País Vasco
• Francia
• Biarritz