Berrikuntza mordoa ETB3n Aste Santuari begira

Aste Santua dela-eta haur programazio berezia eskainiko du ETB3k apirilaren 11tik aurrera. Besteak beste, 'Mustangs miragarriak'; telesailaren eta 'Milo' marrazki bizidunen estreinaldiak, 'Otsoko' marrazki bizidun berrien atal berriak eta '3 Ene Kantak' izango dira ikusgai bi astez. Azken honetan, gainera, ordutegian aldaketak izango dira. Goizeko programa 09:30ean hasiko da, eta bazkalosteko urtebetetze bideoaren sekzioa, berriz, 14:00etan izango da ikusgai, astelehenetik igandera. Iluntzean, 20:00etan izango da eguneko bigarren hitzordua, Eneko, Nere, Urbi eta konpainiarekin, astelehenetik ostiralera.

Euskarazko marrazki bizidunak ere ez dira faltako. 'Milo' eta 'Otsoko' marrazki bizidun berriak ikusteko aukera egongo da. Halaber, orain arteko marrazki bizidunekin ere izango duzu hitzordua bi aste hauetan: 'Polly Pocket', 'Gadget inspektorea', 'Dora esploratzailea' eta 'Maya erlea' marrazki bizidunen atalekin, besteak beste.

Horretaz gain, astelehenetik ostiralera, 15:00etatik aurrera, 'Irabazi arte!' telesaila eskainiko da eta larunbat eguerdietan, 'Mustangs miragarriak' telesailaren atal berriak izango dira ikusgai ETB3n eta eitb.eus-en. Saio, telesail eta marrazki bizidun hauek guztiak 3 klubeko euskarri teknologikoetan ere ikusgai izango dira webgunean, App-an eta HbbTVan.

Astero, sei egunetan, animazio filmak eta ikuskizunak euskaraz ikusteko aukera egongo da ETB3ko arratsaldeetan, 15:30etik aurrera. Gainera, lau pelikula estreinatuko dira: Suarekin jolasean, Mia eta lehoi zuria, Nobita jenioaren globoa gidatutako jolas-parkea eta Piramideen misterioa: Egiptoko abentura. Hauek dira datozen bi asteetan ETB3n eskainiko diren filmak eta ikuskizunak:

Temas

• Euskera
• Zabalik
• Zinema