'Artxipelagoa' podcastaren bigarren denboraldiaren aurrestreinaldia
Durangoko Azokan aurkeztu da ostiral honetan, sortzaileak eta zenbait aktore bertan zirela
Ostirala, 9 abendua 2022, 12:44
EITBk Durangoko Azokan duen presentzia zabalaren barruan, 'Artxipelagoa' podcastaren bigarren denboraldiaren aurrestreinaldia egin da ostiral honetan Irudienean. Aurkezpenean Maite Goñi EITB Mediako Audio eta Digitaleko zuzendaria eta Ainhoa Etxebeste EITBPodkast proiektuaren arduraduna izan dira, era baita aktore lanetan aritu diren Aitziber Garmendia, Eneko Sagardoy eta Iñaki Beraetxe ere. Halaber, hitza hartu dute Oier Aranzabal eta Juan G. Andres zuzendariek, eta bigarren denboraldiaren ekoizpenak utzitako esperientziaren berri eman dute.
Bigarren denboraldiaren lehen atalaren entzunaldiaren ostean, EITBLabeko Itxaso Martinek 'Artxipelagoa' fikzioaren lehen denboraldiko komiki interaktiboa aurkeztu du. Xabier Etxeberria gidoilaria eta Alex San Vicente ilustratzailea lagun dituela, euskarazko podcastaren inguruan sortutako app bereziaren zehaztasunak emango ditu.
Fikziozko podcast arrakastatsua etorkizun hurbileak kokatzen da. Europaren gehiengoa, beste kontinente batzuk bezala, urpean gertatu dira, klima beroketak eta Poloen urtze lasterrak itsasoaren maila igotzea eragin dutelako, ia bat-batean. Dena hondoratu da, eta bizirik jarraitzea lortu dutenek egoera oso gogor bati egin beharko diote aurre: baliabideak oso urriak dira, eta mundua zatituta dago. Ur gainean geratu diren gune bakanak, haien artean, Euskal Artxipielagoa, hiri-estatutan elkartu dira. Sinopsian irakur daitekeenez, «aliantza berriek, ordea, arrisku zaharrak ekarriko dituzte berriz azalera».
