Huntza taldearen kontzertuekin gozatzeko zita bikoitza Irun eta Arrasaten

Pasa den otsailean jakinarazi zuen Huntza taldeak 2024an hamar urteko ibilbideari amaiera emango dioela eta azken kontzertuak, 'Azkena balitz bezala' deiturikoak, jada badu data. 2024ko otsailaren 3an izango da, Miribillan. Baina ordu arte azken kartutxoak gogoz eta oholtza gainean erakutsi duten ohiko energiaz erre nahi dituzte eta aste-bukaera honetan zita bikoitza dute euren zaleekin, larunbatean sanmartzialetan Irunen Mosku plazan gaueko 00:00etan hasita eta igandean sanjoanetan Arrasaten txosnagunean. Herriko jaien egitarauaren barruan daudenenez ekitaldiak, bi emanaldien kasuen sarrera doakoa izango da.

Irungo kontzertuaren bakarrik taularatuko dira eta, bestetik, etzi Arrasaten talde gipuzkoarraren aurretik Arrasaten bizi den La Furia rapera nafarrak eta pop elektronikoa egiten duen J. Martina hirukote bizkaitarra izango dira. 22:00etan hasiko da lehen kontzertua eta, 30 minutu geroago hasiko da Goxua'n Salsa taldearen emanaldia Herriko plazan.

Huntza taldeak ia 10 urte hauetan 250 kontzertutik gora eskaini ditu eta hiru disko kaleratu. Tartean 'Buruz behera', 'Lasai, lasai' edo 'Zer izan' abestiak eta, nola, ez mundura aurkeztu zituen 'Aldapan Gora' boom-a.

Ostean, 'Azkena balitz bezala' agur biraren baitan, Donostiako Aste Nagusian izango dira abuztuaren 18an, ostirala, Sagueseko eszenatokian.

Temas

• Euskal musika