'918 Gau' filmak irabazi du Publikoaren Saria Punto de Vista jaialdian

Arantza Santestebanen '918 Gau' filmak Publikoak hautatutako Film Onenaren Sari Berezia eta Epaimahaiaren Aipamen Berezia jaso ditu Punto de Vista, Nafarroako Zinema Dokumentaleko Nazioarteko Jaialdiaren 16. edizioan.

Bi sari berri hauek, filmak aurretik lortatuko besteei gehitzen zaizkie: DocLisboako Nazioarteko Saileko Film Onenaren saria; Torino Film Festivaleko Nazioarteko Dokumental Onenaren saria; eta Pontevedrako Novos Cinemas Nazioarteko Jaialdiko Latexos saria. Filmak L'Alternativa Bartzelonako Cinema Independent Jaialdian ere parte hartu du.

'918 Gau' laster ikusi ahal izango da Donostian, Donostiako Giza Eskubideen Zinemaldian: apirilaren 3an, igandea,17:00etan, Tabakalerako Zinea I aretoan. Proiekzio honetarako sarrerak Tabakalerako webgunean eros daitezke. Gainera, 19:00etan, proiekzioaren ondoren, Arantza Santesteban Kontatutako Zine saioan izango da, bere lan prozesua partekatzen. Kasu honetan, sarrerak doakoak dira eta esteka honen bidez eskura daitezke.

Filmak nazioarteko zinema-jaialdietan izan duen ibilbideak aurrera jarraitzen du Uruguaiko Nazioarteko Zinema Jaialdiaren 40. edizioko Nazioarteko Film Luzeen Panorama sailean, Montevideon apirilaren 13tik 24ra; eta Alemanian, Municheko Zinema Dokumentalaren Nazioarteko 37. Jaialdian, 'DOK.guest Spain Sol Y Sombra – Land of Sun, Land of Shadow' sailean, maiatzaren 4tik 15era.

Temas

• Zabalik
• Zinema