Bertsozale Elkarteak eta Laboral Kutxak lau urtetarako hitzarmena sinatu dute

Euskal Herriko Bertsozale Elkarteak eta Laboral Kutxak lau urtetarako hitzarmena sinatu dute. Bertsolaritza zaindu, sustatu eta etorkizuna bermatzeko elkarlana adostu dute.

Bertsozale Elkarteko Iñaki Murua Jauregik eta Laboral Kultxako Xabier Egibar Gainzak sinatu dute hitzarmena, Laboral Kutxak Arrasaten daukan egoitza nagusian. Akordio honi esker Laboral Kutxak Euskal Herriko Bertsozale Elkartearen proiektu orokorra garatzen lagunduko du.

27 urteko ibilbidea du Euskal Herriko Bertsozale Elkarteak. «Gogora ekarri beharra dago lehenago ere, duela 10 urte inguru, Luberri izeneko ekimena bideratu zutela elkarrekin elkarteak berak eta Laboral Kutxak adierazi du Elkarteak. Horrela, garai bateko bertsozaletasuna galdua zegoen herrietan bertsotarako zaletasuna berreskuratzen jardun genuen, bertsolari gazteak eta aski ezagunak zirenak hainbat bertso-saio partekatuz. Orduan, herrietako jendea arduratu zen ekitaldia antolatzeaz, eta Bertsozale Elkarteak behar ziren koordinazio-lanak egin zituen, herrigintzaren sustraietara joz».