Zestoa

Amets Arambarri eta Eneritz Aramendi, Herri Krosaren irabazleak

Igandean jokatu zen 45. Zestoako Herri Krosa, Iñaki Iruretaren oroimenezkoa. Amets Arambarri eta Eneritz Aramendi izan ziren proba luzeko (8,6 km.) irabazleak. Arambarrik 28:09 osatu zuen; bigarrena, Mikel Velasco izan zen (29:22) eta hirugarrena, Marcos Zaldibia (30:01). Emakumezkoetan, Aramendi izan zen azkarrena, (34:13); bigarren sailkatua Idoia Nogales izan zen (35:37); eta hirugarrena Patri Amundarain (38:17).

Adrian Pajares eta Naiara Tena izan ziren proba laburreko (2.8 km) irabazleak. Pajaresek 8 minutu eta 39 segundotan amaitu zuen lasterketa; Jon de la Cuesta izan zen bigarren (8:54) eta Eneko Albizu hirugarren (8:59). Emakumeen artean Tena izan zen azkarrena, (10:51); bigarrena Ane Arregi (11:30) eta hirugarrena, Maria Amundarain (12:44).