Zarautz

Pagoetarekin Usurbil-Orio goiz buelta eta bazkaria hilaren 22an, Orion

Pagoeta Mendi elkarteak otsailaren 22rako, goiz-buelta bat egitea eta ondoren sagardotegian bazkaltzea programatuta zeukan egutegian. Hala ere, batzordeak, zenbait sagardotegitan eskaini dizkioten prezioak eta baldintzak aztertu eta gero, erabaki du plana aldatzea eta jatetxe batean antolatzea bazkaria.

Beraz, otsailaren 22rako plan berria ondorengoa izango da: goiz-buelta Usurbilera trenez (09:08eko trenean), handik oinez Oriora eta bazkaria Orioko Antilla jatetxean. Izen-ematea, Mendizabal kinkila-dendan egin behar da, otsailaren 18a bitartean. Izena ematerakoan, 30 euroko seinalea utzi beharko da.