N-634 errepidean Troia inguruan lanean hasi dira dagoeneko

N-634 errepidean Txikierdi eta Troia arteko lanak amaitu dituzte. Bertan semaforoak izan dira aste batzuetan zehar trafikoa bideratzen, baina datozen asteetan ere antzeko egoeran jarraituko dute bide hau erabiltzen duten erabiltzaileek.

Izan ere, bigarren faseari ekin zioten atzo eta oraingo honetan Troia inguruan arituko dira lanean. Oraingo honetan ere semaforoak izango dira trafikoa bideratzen: Troian Usurbil aldera datozenentzat eta Ugaldea industrialdea pasa ostean Donostia alderako norabidean doazenentzat. Lan hauek irauten duten bitartean, Troiatik N634 errepidera sartzen diren ibilgailuek Donostiarako noranzkoa baino ezingo dute hartu.