Joxe Mari Furundarena Begiristain fusilatua hartu dute gogoan

Joxe Mari Furundarena Begiristain (Aginaga, 1915- Tolosa, 1936) gogoan hartu dute asteburuan, Aginagako hilerrian egindako ekitaldian. Usurbil 1936 elkarteak bultzatuta, ekitaldian izan dira Furundarenaren senideak eta Usurbilgo udalbatza osatzen duten alderdien ordezkariak. Tolosan fusilatu bazuten ere, familiaren panteoian lurperatzea lortu zuten, Aginagan, eta han jarri dute hura gogora-tzeko plaka.

Furundarena Eizako sei senideen artean zaharrena zen; EAJko kide eta milizianoa. 1936Ko urriaren 3an fusilatu zuten Tolosan, 21 urterekin. Familia-bazkari batean zegoela joan ziren haren bila, eta hortik aurrera hil egin zutela baino ez zuten jakin senideek.