Orio

Nazioarteko Flysch Organo Jaialdiaren emanaldia gaur arratsaldean, elizan

Gipuzkoako Foru Aldundiaren ekimenez, eta Debako, Zumaiako, Getariako eta Orioko udalekin elkarlanean, Nazioarteko Flysch Organo Jaialdiaren 15. ekitaldia egiten ari dira uztailean. Hilaren 5ean abiatu zen zikloa Deban, eta Orioko emanaldiarekin itxiko da jaialdia, gaur bertan.

Debakoa bezalaxe, gaur arratsaldeko 20:00etan San Nikolas de Bari elizan izango den Orioko emanaldia ere ongintzako kontzertua izango da, Minbiziaren Aurkako Espainiako Elkartearekin elkarlanean antolatuta. San Nikolas elizan egingo da saioa, eta emanaldi berezia izango da, Buster Keaton-en Sherlock Jr. filmeko musika joko baitu Oscar Rodriguez Pastora organistak. Emanaldia doakoa izango da.

Oriokoa zikloaren azken emanaldia izango da, aurrez Deba, Zumaian, eta Getariako herriak hartu dutelarik Nazioarteko Flysch Organo Jaialdia.

Orioko parrokia-organoak transmisio mekanikoaren bidez funtzionatzen du, bai notetan bai erregistroetan. Hiru teklatu eskuzko eta pedal-teklatu bat ditu. Instrumentu honek EAEko hainbat organotan aurkitzen den tradizio sinfonikoa jarraitzea du helburu, lehenik A. Cavaillé-Coll bezalako organo-egile frantsesek ezarritako eskolari jarraituz, eta geroago EAEko organo-egileek mantendu zutenari jarraituz. Organo hau San Nikolas parrokia-elizatik bereizten duen beste ezaugarri garrantzitsu bat bere funtzio hezitzailea da.