Azkoitia

Gomazko palistek eta eskuzko pilotariek Herriarteko partidak jokatuko dituzte Gurean

Pilotazaleek hitzordu hirukoitza dute Gurean; izan ere, Gipuzkoako Herriarteko partidak –gomazko paleta eta esku pilota partidak–, eta Buruz Buruko B serieko finalerdiak jokatuko dituzte herriko pilotalekuan. Gaur, osteguna, Oteiza elkarteko gomazko palistek Zumarragaren aurka jokatuko dituzte Gipuzkoako Herriarteko Txapelketako final-zor-tzirenak, 20:30etik aurrera. Irabaziz gero, final-laurdenetan Astigarraga izango dute aurkari.

Esku pilotako pilotariek, berriz, larunbatean jokatuko dute, 19:30etik aurrera. Aretxabaletari 6-0 irabazi ostean, bihar Ataunen aurka neurtuko dituzte indarrak Gurean. Irabaziz gero, Gipuzkoako Herriarteko txapelketako final laurdenetan Astigarraga eta Beasainen arteko partidako garailearen aurka jokatuko lukete azkoitiarrek.

Bestalde, Buruz Buruko B serieko finalerdiak jokatuko dira bihar, maiatzaren 16an, Gurea pilotalekuan 21:15etik aurrera. Partidu bat Agirrek eta Aldabek jokatuko dute, eta bestea, Bakaikoak eta Zubizarretak. Horrez gain, binakako partidua ere ikusgai izango da Azkoitiko pilotalekuan. Alberdi II-Ugartemendia eta Exposito-Gabirondo bikoteak izango dira protagonista kantxan.

Sarrerak eskuragarri daude entradasfronton.com web atarian. Egunean bertan, leihatilan egongo dira salgai.