Azkoitia

Gipuzkoako duatloi eta triatloi txapelketetako sariak jaso dituzte Azkoitrikoek

Gipuzkoako duatloi eta triatloi txapelketetako sariak banatu dira Donostiako Kirol Etxean eta Azkoitri triatloi taldeko hainbat taldekide izan dira sarituak. Guztira, zortzi domina jaso ditzute Azkoitrikoek.

Hona hemen dominen zerrenda: Duatloi esprinta (Zizurkil): Vanessa Cerrajerok eta Ignacio Cruz Larrañagak brontzezko domina bana.

Triatloi esprinta (Zumaia): Vanessa Cerrajerok zilarrezkoa beteranoen lehen mailan; eta Haritz Iturzaetak brontzezkoa, 23 urtez azpikoen mailan.

Triatloi Olinpikoa (Donostia): Javier Eguigurenek brontzea, 23 urtez azpikoen mailan; Aitor Sotilek zilarrezkoa, beteranoen lehen mailan; Alex Arrietak brontzezkoa, beteranoen lehen mailan; eta Jose Antonio Circujanok zilarrezko domina, beteranoen bigarren mailan.