Urnieta

Merkatariei zuzendutako saio bat gaur eskainiko da Lekaio kultur etxean

Urnietako Udalak eta Beterri-Buruntzako Mankomunitateak saio bat antolatu dute tokiko merkatariei zuzendua. Gaur, azaroak 12, izango da, 14:30ean hasita Lekaio Kultur Etxean.

Beterri-Buruntzako Mankomunitateak eskualdeko merkatariei eskaintzen dizkien zerbitzuak eta baliabideak aurkeztea izango da saio horren helburua.

Bertan ondorengotza programa aztertuko da: Belaunaldi-erreleboaren plangintza errazteko eta negozioen jarraipena bermatzeko tresna.

Horretaz gain, prestakuntza-eskaintza ere mahai gainean jarriko da: Merkataritza-sektorerako ikastaro eta tailer espezifikoak, kudeaketan eta digitalizazioan dituzten trebetasunak indartzeko pentsatuak.