Urnieta

Euskaraldiaren hamaikakoa hizkuntza ohiturei gola sartzeko prest

Urnietako aurpegi ezagunez osaturiko pertsonekin eratu da Euskaraldiaren hamaikakoa. Guztiek lotura estua dute hizkuntzarekin eta haien egunerokoan baliatzen dute gainerakoekin komunikatzeko.

Mugimenduaren eragileak izango dira Euskaraldiak irauten duen bitartean eta urnietar guztiak animatzen dituzte ekimenean parte hartzera, euskararen erabileran aurrerapausoak ematera eta hizkuntza ohiturak aldatzen saiatzera.

Hauek dira edizio honetako hamaikakoa osatuko duten herritarrak: 1. Nekane Kortaxarena Goenaga (irakaslea), 2. Unai Legarreta Astiasaran (kirol irakaslea), 3. Amagoia Mujika Tolaretxipi (kazetaria, Berriako Zuzendaria), 4. Imanol Ansa Urruzola (erremontista), 5. Antton Jauregi Aranburu (txistularia, irakaslea), 6. Guangli Wen Chen (epaitegietako itzultzailea, txinera eta ingeleseko irakaslea), 7. Enara Donavera Garcia (musikaria), 8. Unai Gaztelumendi Arandia (marrazkilaria eta bertsolaria), 9. Xabier Altuna Jauregi (sagardogilea), 10. Naroa Urbizu Kortaxarena (Poxta Zaharreko kidea) eta 11. Jon Unanue Lopez (kultur eragilea).