Mutriku

Infantil neskak, Batel Ligan eta Txapelketan garaile

Mutriku Arraun Taldeko infantil neskek denboraldi zoragarria borobildu zuten joan den asteburuan San Juaneko uretan. Larunbatean Gipuzkoako Batel Ligako azken jardunaldia jokatu zen bertan eta Mutriku B taldea suertatu zen garaile (A taldea 5. izan zen). Emaitza horrekin, arraunlari gazteek Batel Ligako bandera Mutrikura ekarri zuten (Mutriku A taldeak lehen postuan amaitu du Liga eta B taldea bigarrenean). Hori gutxi balitz, Mutriku B taldeko infantil neskek 2025eko Gipuzkoako Batel Txapelketa irabazi zuten, nagusitasunez, igandeko estropadan. Datorren asteburuan Euskadiko Txapelketan lehiatuko dira.