Iparragirre, etxera bueltan

Asteazken honetatik urriaren 15a arte Urretxuko kultur etxean Iparragirre koblakariaren argazki erakusketa bat ikusteko aukera egongo da. Inaugurazioa ostegun honetan izango da, 19:00etatik aurrera eta argazkilaria Jon Gozalez da.

Joan zen uztailaren 25ean 18 urte bete ziren Urretxuko plazan, Iparragirre koblakariaren begiradapean, jolasten zuen 15 urteko Jonek Burgos aldeko lurretara joan zenetik.

Bizar txuriko pertsonaia kutun hark bere gitarrarekin mundu berri batera eraman zuen Urretxu bere jaioterriaren izena, baita Euskal Herri osoarena ere. Orain, dirudienez, errepikatu egiten da historia.

Jon Gonzalezek, bere argazki kamerarekin, pertsonaia haren abenturak eta zoritxarrak ezagutarazten ditu Burgosen. Erakusketa Urretxura dator, koblakari berezi hau ezagutzera gerturatu nahi duten guztien gozamenerako.