Aretxabaleta

Feminismoa eta dantza uztartzen dituen 'Boterea, ahizpatasuna, perreoa' saioa gaur Arkupen

Gaur goizean, 10:00etatik 13:00etara bitartean Arkupe kultura etxeak 'Boterea, ahizpatasuna, perreoa' izeneko ikastaro berezia hartuko du. Jabetze Eskolak antolatutako saio honek helburu argia eta zehatza du: Booty Dance-aren bidez «leku seguru bat» sortzea, emakumeek beren gorputzak modu aske eta ahaldunduan bizitzeko aukera izan dezaten. Tailerra Ines Lasagabasterrek gidatuko du, eta parte-hartzaileek sexualki esplizituak diren zenbait dantza-estiloren inguruko ezagutza teorikoa eta praktikoa jasoko dute. Tartean, Twerk, Dancehall Queen eta Perreoa bezalako estiloak landuko dira, beti ere ikuspegi feminista eta antiarrazista batetik abiatuta.

Saioak ez du soilik dantza-tekniken inguruan jardungo; gorputzaren askatasuna, identitatearen eraikuntza eta espresioaren boterea izango dira ardatz nagusi. Dantza koreografiko hutsa gaindituz, parte-hartzaileek dantza horien jatorria, testuinguru soziala eta politikoki kargatutako esanahiak aztertzeko aukera izango dute.

Ekimen honek aukera emango du herriko bizitza kulturalean bestelako ikuspegi bat txertatzeko, eta emakumeek euren burua eta gorputza beste modu batean bizitzeko espazio indartzaile bat eskaintzen du.