'Oldboy' filmak irekiko du Kresala Zineklubaren denboraldi berria

Kresala Zineklubak abuztuan hasiko du 2025-2026 denboraldia 'Oldboy' filmarekin. Irailean beste lau pelikula ere aurreikusi dituzu «oso berezia» izango den denboraldiari hasiera emateko, Kresala Zineklubetik jakinarazi dutenez.

Aurten ere denboraldia Hego Koreako film batekin hasiko dute. Oraingoan, 'Oldboy' (2003) ikusteko aukera izango da Trueban abuztuaren 26an (19.30). Oh Dae-su negozio-gizona da, 15 urtez ziega goibel batean bahitua eta espetxeratua, bere harrapatzailea eta zergatia ezagutu gabe. Askatzen dutenean, bere emaztearen hilketaren berri izango du eta mendeku bila hasiko da. Aldi berean, sushi sukaldari gazte eta erakargarri batekin, Mi-dorekin, maitasun harreman bat hasiko du. Azkenik, bere torturatzailea aurkitu du, baina azken topaketak izugarrikeria gehiago ekarriko dizkio.

Errumaniatik zuzenean datorren film batekin jarraituko du denboraldiak irailaren 2an 'Trei kilometri pâna la capatul lumi obran'. Adik (17 urte) bere jaioterrian igarotzen du uda, Danubio ibaiaren deltan. Gau batean bortizki erasotzen dute kalean, eta hurrengo egunean bere mundua irauli egiten da. Gurasoek ez diote lehen bezala begiratzen, eta herriaren itxurazko lasaitasuna pitzatzen hasten da.

Errumaniatik Txinara bidaia egin eta Jian Zhang-keren azken lana proiektatuko da irailaren 9an, 'Feng liu yi dai' (2024). Txina aldakorrean eta Qiaoqiao eta Bin-en bizitzan zehar egindako bidaia, eta iaz Donostiako Nazioarteko Zinemaldian, Kutxabank-New Directors saria irabazi zuen filma.

Irailaren 16ean, Trueba Zinemetan ere, 'Bagger Drama' (2024) ikusteko aukera izango da. Suizako film honetan sentimenduez, maitasunaz edo intimitateaz hitz egiteko zailtasunak dituen familia baten historia azaltzen da.

Azkenik, iraila sorpresa batekin amaituko da, Jean-Claude Lauzonen 'Léolo' ikusi ahal izango dugu. Léolo, errealitate gordinari ihes egiteko bere ametsetan oroitzapenetan eta irudimen oparoan murgilduko den haurra du protagonista filmak.

Programazioaz gain, beste berrikuntza batzuen berri ere eman du Kresala Zineklubak denboradiaren hasieran. Honela, prezioen jaitsiera iragarri dute, bai sarrerenak eta bai abonamenduenak. Honela, sarrerak 6 eurotik 5 eurora pasako dira, eta Kresala Laguna Txartela 120 eurotik 100 eurora jaitsiko da.

Gainera, Gazte-Txartela duten gazteentzat Kresala Zinekluba Gaztelaguna Txartela atera dute, denboraldiko saio guztiez gozatzeko aukera emango duena 50 euroren truke. Edizio mugatua da eta irailaren 30era arte baino ezingo da lortu.

Temas

• Cine