Idazle eta irakurleon aterpe dira liburu-dendak. Autobusez, bizikletaz edo oinez hel zaitezke haietara, aspalditik espero zenuen liburu horren irrikaz edo patxadaz, buruan dituzun liburuen artean zein aukeratuko duzun hausnartuz. Liburu artean berreskuratzen duzu haurtzaroan galdutako zerbait, liburuen barrunbeetan zain dituzun istorioak, bizitza eta pentsatzeko modua alda diezazuketenak. Umiltasunez eta pazientziaz egoten dakite liburuek, bata bestearen gainera jauzi egin gabe, zalapartatik urrun, liburuek bakarrik dakiten eran. Hitz erdirik esan gabe, itxura batean, baina milaka bide iradokiz, denboraren ontzi izanez. Isilean borrokatzen dute basakeriaren aurka, apaletan lerro-lerro. Erakusleihoaren kristalak apur ditzakete, liburuei ebakirik egin gabe; margoz zikindu, liburuei azalak aldaraziz. Baliteke helbidez aldatu behar izatea ere. Gorrotoak bakarrik ezagut dezake zer egosten den harriz eta margo-potez zamatutako esku trenkatzailearen kontzientzia ustelean.
Publicidad
Horregatik, liburu-denda batek bere ateak ixten dituenean, eta, batez ere, guztiontzat horren garrantzitsua eta beharrezkoa izan denean, eskerrak ematea baino ez zaigu geratzen. Eta eskerren artean, lainoa zulatzen bezala, galderak eta zalantzak pizten dira. Liburu-denden desokupazioa, ekitaldi eta festibal erraldoien glamourrean oinarritzen den eredua, gremiokoen eguneroko zailtasunak (gero eta kanibalagoa den ekonomia baten aurrean), kulturaren beraren bilakaera likidoa, erreketek utzikeriari eman dioten erreleboa… Eta amesgaizto baten zantzua: liburu-dendarik gabeko hiri bat. Eta jendeari, oro har, axola ez izatea.
Suscríbete los 2 primeros meses gratis
¿Ya eres suscriptor? Inicia sesión