Zaborraren trataeraren inguruan bi hitzaldi

Aramako Udalak, zaborraren trataera dela eta, gure gizartean hain hedatua dagoen arazo honen inguruko hausnarketa batera bideratu nahi ditu herritarrak, gaur egun Gipuzkoan nabarmen-tzen diren bi pentsamolde ezberdinak jasoz.

Hala, asteartean otsailak 7, errauste plantaren eraikuntza, eta aldi berean, zaborraren trataera errausketa bidez izatea defendatuko duen Carlos Ormazabal izango da azalpenak ematen.

Beste aldetik, ostegunean otsailak 9, zaborraren beste kudeaketa bat posible dela, eta gaikako jasotze eraginkor bat dela arazoari aurre egiteko erarik egokiena defendatuko digun Imanol Azpiroz, Gipuzkoako Hondakinen Kudeaketa-ko batzordeko eta Gipuzkoa Zero Zabor elkarteko kidea, izango da.

Gai honek duen garrantzia kontutan izanda, udalak dei egiten die herritarrei, bi agerraldi hauetako partaide izan daitezen. Bi agerraldiak, kultur etxean izango dira, arratsaldeko 18:30ean.