Idiazabal

Amezti eurosiberiarra berreskuratzeko bilera gaur

Udalak, herriko mendi lurretan dagoen amezti eurosiberiarra berreskuratzeko proiektu bat abiarazi du. Proiektua azaltzeko hitzaldia, gaur 18.00etan Udaletxeko areto nagusian egingo dute, Aranzadi Zientzia Elkartearekin elkarlanean.

Ameztiaren egoeraren berri emateaz gain, habitat honen berreskurapena sustatzeko egindako zein egiteke dauden lanak azalduko dituzte. Gainera, Idiazabalgo basoak azken urteetan izan duen bilakaeraz ere arituko dira.