Zumaia

Zabalik dago Zumaiako goi-mailako kirolariei eta behar bereziak dituzten herritarrei zuzendutako dirulaguntzak eskatzeko epea

Zumaiako Udalak norbanako kirolariei zuzendutako dirulaguntzak eskatzeko epea zabaldu du. Laguntzak goi-mailako kirolariei eta aniztasun funtzionala duten haur eta gazteei zuzenduta daude. Eskaerak azaroaren 19ra bitartean aurkeztu ahal izango dira.

Laguntza hauek Zumaian erroldatutako goi-mailako kirolariei eta aniztasun funtzionala duten 18 urtetik beherako herritarrei zuzenduta daude —urte naturalean 18 urte betetzen dituztenak barne—, betiere udalaren kirol-jardueretan parte hartu badute.

Eskabidearekin batera aurkeztu beharreko dokumentazioa eta eranskinak udalaren webgunean daude eskuragarri. Prozedura doakoa da, eta izapideak telematikoki egitea gomendatzen da.

Eskaera telematikoa egiteko eta informazio guztia: https://udal.egoitza.gipuzkoa.eus/WAS/AYTO/USCServicioCiudadanoVer15WEB/home.do?De=EU081128302. Eskaera orria Udalaren webgunetik deskargatu daiteke, albistean dagoen estekan klikatuz.